عجينه العشر دقائق

مساء الخير
إلي بحبو المعجنات يتفضلو . أروع عجينة ممكن تعملوها بكل سهولة وبتزبط مع كل شي وانا اعتمدتها في كافة وصفات المعجنات
عجينة العشرة دقائق جدا سهلة وسريعة وطيبة . بتنعمل ع مرحلتين
مقادير المرحلة الاولى : تلات ارباع فنجان قهوة سكر ,2 ملعقة اكل خميرة فورية ,2 كأس ماء دافىء , ذرة ملح
2 كأس دقيق ,2 ملعقة حليب بودرة
الطريقة : تخلط جميع المقادير معنا جيدا . ممكن استخدام الملعقة في الخفق او الخفاق الكهربائي العادي . ثم بنغطيها منيح لحتى تخمر وتفور وتعمل فقاعات . طبعا طبيعة مناخ البلد إلها دور في الخليج ممكن بس تحتاج عشر دقائق لكن عنا في فلسطين بخليها تلت ساعة لانه الجو ابرد وهيك بتكون المرحلة الاولى جاهزة

مقادير المرحلة الثانية : 3 كاسات دقيق ؟نصف كأس زيت مازولا
تضاف هاي المقادير ع الخليط الاول بعم ما يخمر بالتدريج وتعجن باليد حتى تصير عجينة متماسكة 0 احيانا يمكن تحتاج كمان شوي طحين مش اكثر من ملعقتين
طبعا هيك بتكون جاهزة للإستعمال . والعجينة يفضل انه نخليها ترتاح شوي بعد العجن حوالي عشر دقايق قبل ما نقطعها . هيك بتكون النتائج أفضل
عجينة جدا رائعة وسهلة و يارب تعجبكم متل ما عجبتني
انا بستعملها للبيتزا والسبانخ والزعتر الاخضر والمناقيش واللحمة وكمان للسينابون وخلية النحل
جربوها والف صحتين وعافية